ويكاند من كازا والرباط

شفشاون: الزرقا

مدينة فجبال الريف، تبنات عام 1471، والحيوط ديالها زرقين. تمشى فالمدينة القديمة الصباح بكري قبل الزحام، وطلع لجامع بوزعفر مع الغروب باش تشوفها كاملة من الفوق.

الصويرة: الريح والحوت

المدينة القديمة ديالها فاليونسكو من 2001. السردين المشوي فالمرسى، الأسوار على البحر، وفيونيو مهرجان كناوة. جيب معاك جاكيطة: الريح ديال الصويرة ما كتسمحش حتى فالصيف.

إفران: البرد والثلج

فالأطلس المتوسط، على 1665 متر. فالشتا الثلج، وفالصيف الجو بارد ملي كتكون كازا كتغلي. الغابة ديال الأرز وميشليفن قراب.

وادي أوريكا: الما والجبل

قريب لمراكش. الطاكسي الكبير كيوصلك لستي فاطمة فين كاينين الشلالات. مزيان مع الدراري، ولكن فالشتا ولا ملي كتشتا بزاف رد البال من الواد: كيتعمر بسرعة.

الداخلة: الكايت والبحيرة

بعيدة، ولكن بالطيارة كتقرب. البحيرة ديالها من أحسن البلايص فالعالم للكايتسورف، والحوت والمحار طريين. ويكاند طويل ولا عطلة صغيرة.